A Asociación de empresas galegas de software libre, AGASOL, constituíuse o 1 de agosto coa unión de doce sociedades: Aitire, Allenta, Bora Telecom, Igalia, Imagos, Inforede, Pexego, Redegal, Signo, Tegnix, Ultreia Comunicaciones e Wireless Galicia. O presidente da asociación é Xavi Vázquez, da empresa coruñesa Igalia.

Xavier Vázquez: En liñas xerais, a idea xorde pola necesidade de cubrir un oco: a falta dunha interlocución colectiva de empresas que traballan ao redor do software libre, e tamén pola iniciativa xa existente noutras comunidades, que podería confluír na creación dunha federación de asociacións a nivel estatal.

X. V.: É difícil dicilo pero, en todo caso, a Administración Pública galega terá xa un interlocutor válido cando queira contactar coas empresas de software libre de Galiza. Ao ser o software libre unha ferramenta citada de forma explícita no PEGSI, era necesario ter un interlocutor empresarial. Dende logo, a nosa idea é axudar a administración a cumprir co estabelecido no PEGSI. Dende AGASOL, ofrecémoslle apoio e asesoramento.

X. V.: Pois, referíndonos aos informes nos que se basea o PEGSI, a situación non é boa, nin nas empresas, nin na administración, nin entre os usuarios. En todo caso, non creo que sexa relevante coñecer a situación do software libre en particular, senón da sociedade da información en xeral. O software libre é unha ferramenta, unha fórmula para facer as cousas de forma diferente, unha oportunidade para as empresas, os usuarios e a administración.

X. V.: A verdade, como din os informes, non estamos preto nin de Europa nin da media española, pero non coñezo os últimos informes, non sei se hai converxencia agora mesmo. Haberá que esperar un tempo para ver se as medidas postas en marcha polo novo goberno teñen efecto. A nosa realidade é estar no vagón de cola da UE e España, e isto non vai cambiar en 6 meses.

X. V.: Estamos abertos a máis empresas, de feito estou seguro de que haberá moitas incorporacións en canto AGASOL sexa unha realidade tamén no formal, cando se resolvan os temas burocráticos. A partir de setembro, iniciaremos a actividade e haberá novas empresas. Falando do sector, non penso que sexa algo en expansión en Galiza, senón no mundo. O negocio a carón do software libre está a crecer en todo o mundo, e loxicamente as empresas e administración galegas considérano tamén como unha alternativa válida.

X. V.: En setembro iniciaremos a actividade. Até o de agora, limitámonos a darlle publicidade á iniciativa. Pero nunhas semanas haberá unha busca moito máis activa de novos socios. Non haberá presentación oficial ante os medios, pero si participaremos en diversos actos no último trimestre do ano.

X. V.: Persoalmente, creo que AGASOL era algo absolutamente necesario. As expectativas son boas, porque hai ilusión e compromiso, e ganas de colaboración, o máis importante nunha iniciativa deste estilo.

X. V: Nos primeiros meses, participaremos en actividades que sirvan para dar a coñecer a existencia da asociación e conseguir novos asociados, reuniméronos cos interlocutores válidos na Administración para presentarnos e prestarlles o noso apoio, poremos en marcha as ferramentas internas de traballo e, case o primeiro, contrataremos a persoa que leve a xerencia. AGASOL ten 3 patas básicas: promoción, interlocución e colaboración de negocio. A primeira na orde de prioridades para as empresas de AGASOL é a colaboración de negocio, porque inclúe as outras dúas, promoción e interlocución. O que fai falla agora mesmo é apoiar o crecemento e consolidación das moitas pequenas empresas que están a nacer ou a entrar a facer cousas con software libre. Cara a aí irán os primeiros pasos de AGASOL: presentar a web, contratar o xerente e fixar os primeiros encontros coa Administración, así como fixar os foros nos que imos participar, serán as tarefas concretas das próximas semanas.